K + 12, napapanahon ba ?

Editorial: K + 12, napapanahon ba?

ni Jovel Calinao

Isang napakalaking hamon sa kasalukuyang Administrasyong Aquino kung paano mapapaunlad at higit pang mapapataas ang kalidad ng edukasyon ng ating bansa kaya inilunsad nito ang K12 o karagdagang dalawang taon sa Kurikulum ng Sekundarya na magsisimula na sa 2012.Kaugnay nito ay inulan ng batikos si DepEd Sec. Bro. Armin Luistro tungkol sa mga pangunahing problema ng edukasyon at kung handa na nga ba ang pilipinas sa panibagong programang ito.

Ayon kay Fr. Bienvenido Nebres, presidente ng Ateneo de Manila University, Ang natututunan ng mga mag-aaaral ay hindi maaaring maibase lamang sa haba ng kanilang panahon na nasa paaralan. “If we put more years into the school, then we will increase the population of students at the already-crammed schools. Kung classroom pa lang kulang na, dadagdag pa mga estudyante EVERY YEAR, san na lang sila mapapadpad? Matututo pa ba sila? Hindi.” dagdag pa nito.

Malamang ay hindi na lang sila pumasok, kasi di na rin nila maiintindihan ang tinuturo ng kawawang teacher. Marami uuwi na lang, gagala, o ang masama nyan lalo dito sa Maynila - magpupunta sa lakwatsahan, maglalaro ng kompyuter, magsusugal, at iba pang bagay na maghahatid sa kanila sa kapariwaraan.

Iginiit ni DepED Sec. Luistro na layunin ng programang makapagprodyus ng 18 years old high school graduates sa pamamagitan ng pagbibigay sa kanila ng mas mahabang panahon upang mag aral ng mabuti. Kung igugol na lang nila ang 2 taon sa pag-aaral at pagpapalawak ng kanilang kaalaman, mapapalaki pa ang kanilang pagkakataon upang makakuha ng mas magandang trabaho.Kailangan diumano ang ganitong programa dahil ang Pilipinas na lamang at ang bansang Bostwana ang mayroong sampung taong “basic education” samantalang ang karamihan ng mga bansa ay sumusunod sa 12 hanngang 14 taong pag-aaral.

Subalit K+12 nga ba ang sagot sa problema ng edukasyon? Hindi ba ito magiging dadag gastos lamang para sa mga magulang lalo na sa mga mahihirap na pamilya? Napapanahon at tama ba ang programang ito?

Unang –una ,sapat ba ang pundo ng Department of Education upang tustusan ang pangangailanganng bawat paaralan. Sa kasalukuyan ay marami pang paaralan ang nangangailangan ng mga silid aralan at ilan sa kanila ay nagkakasya na lamang sa ilalim ng puno, stage at ilang lugar na puwedeng kanlungan ng mga estudyante.

Dagdag pa rito ang mprastraktura sa karagdagang taon, karagdagang silid-aralan, ito ang problemang posibleng kaharapin ng gobyerno lalo na’t magdagdag sila ng taon sa Sekundarya.Isa pa sa mga pangunahing suliranin na dapat unahin ay ang problema sa mga guro Sapat ba ang guro sa bawat paaralan? Sa panahon ngayon ay marami pang mga paaralan ang nangangailangan ng mga guro na hindi mabigyan dahil na rin sa kakulangan ng pundo ng Department of Education. Kaya kung ipapatupad ito mangangailangan muli ng karagdagang mga guro na siyang magtuturo sa dagdag na dalawang taon.

Dapat pag-isipang mabuti ang programang ito kung ito man ay ipapatupad at isaalang-alang ang kasalukuyang problema ng edukasyon.. Hindi pa nga natutugunan ang mga sangkatutak na problema sa ating edukasyon ay iniilulunsad at pilit na isinusulong ang ganitong programa sa ating bansa. Maaring maganda ang K+12 program subalit hindi pa ito napapanahon;lalong hindi pa handa si juan dela cruz sa panibagong programang ito at dapat pa ring isaalang-alang ang ilang mga pangunahing suliranin bago magsagawa ng panibagong hakbang.