Mamamayan muna hindi Mamaya na
RH Bill, Ikasa!
ni Jovel B. Calinao
“Bago umaksyon, proteksiyon!”
Ito’y isang linya mula sa isang komersiyal ng condom. Minumungkahi nito ang paggamit ng mga contraceptive para sa reproductive health ng mga Pilipino. Ito ay isa sa mga nasasaad sa Reproductive Health Bill, o mas kilala bilang RH Bill.
Ito ay isa na namang isyu, bukod sa sex education, sa gitna ng pamahalaan at ng Simbahang Katoliko. Ang populasyon ng Pilipinas ay patuloy na lumulobo. At sinasabi ng Simbahan na ang panukalang batas na ito ay indirektang aborsyon.
Ipinapanukala ng batas na ito ang kaalaman sa at paggamit ng natural at artificial family planning methods. May kalayaan ang mga tao na pumili sa dalawang ito. Dagdag pa rito, hindi ito panig o salungat sa alinman sa mga ito. Samakatuwid, sakop nito ang mga family planning method na ito.
Kabilang sa mga panukala nito ay ang kalusugan at nutrisyon ng ina at anak, pagtaguyod ng brest feeding, pag-iwas sa aborsiyon at post-abortion complications, pag-iwas at pangangasiwa sa mga sakit na may kaugnayan sa reproductive health, at ang kontrobersiyal na sex education. Ito ay lubos na nakakatulong sa mga mag-ina, mga mag-asawang magkaka-anak pa lang, at mga kabataang “aksidenteng” nabuntis. Ito ay malinaw na hindi pagkitil ng buhay, ngunit pagtulong sa mga taong nasasangkot.
Ang Simbahang Katoliko ay walang dahilan upang maging taliwas sa batas na ito. Maraming tao ang maaring maging laban sa simbahan. Alam ng lahat na lubos itong makakatulong. Maaring nitong mapabagal ang paglobo ng ating populasyon. Sa katunayan, may mga bali-balitang gumagamit ang ilang pari at madre ng mga contraceptive upang di sila magkaanak. Kaya, anong dahilan upang lumaban pa sila dito?
Sa katapusan, ang RH Bill ay dapat ipasa nang walang hadlang mula sa Simbahang Katoliko. Gaya ng isinasaad sa 1987 Constitution, magkahiwalay ang estado at ang simbahan, at walang kapangyarihan ang simbahan sa estado, ngunit ang estado sa simbahan.
Walang komento:
Mag-post ng isang Komento